شعر عراقي للشاعر خالد العامري .

بفراكك
حرقت هدومي الحلوات
نشفت الدمع و الريج
وفلّيت الشعر عالمعبر بريسم
واتاني تمرّ..
وكم شمس التغرّب ..
وانته ما مش صوت
و بـحـرقــــــة أحــــط ايــــدي ...
واشك الزيج
و اكولن ليش يا ربي ...
خلص كل حزن الحليوات ..
وآنه بضيج
يا ربّي ..
كل شط عبرته الوادم
جا ليش الاريده يصير شطّه اغميج ..؟
واتنطر تمر .. مثل العراق بعين البعيدين
وتمرّ الشمس بالعين
ويمرّ الكمر بالعين
ويضيع النجم بالعين
واشهك من اشوف الناس..
تمشي اثنين..
كلها اثنين ..
وآنه وحيدة يا روحي ..
تعلكم وسط حلقي الريج
ياشط الفرح .. رد للحديثه اردود
رِد اغميج
خـــلــينــــي أفـــــــوج ويــــاه ..
ريــــــج ابريـــج





الشاعر : خالد العامري .

احسنتي
عراق..عراق

شكرا

ليش ما كلتي:

عراق..عراق

مثل كل مرة

عفوا
لا اتخافين عدلتها لان
عراقي راقي
العراق..العراق

اوكي وكما اقول دائما:
أبكيتني
لاقهرا
وإنما اعتزازا وشموخا
نشيد موطني .. عاش في النفوس ولم يزل
موطني .. ورفعة العلم.. كل يوم خميس
ياإلهي ..كم كانت أيام رائعة نقشت في الذاكرة
وموطني العراق الأبي العزيز
سيعود لنا
سيعود .. وتعود رفعة العلم كل خميس
وسيخرج المحتل شاء أم أبى
لترفرف راية العز من جديد تخفق عاليا بسماء تخلو من الغربان .. طاهرة نقية كما كانت

عراقي .... راقي
ولي ما يصدق ..... يسئل رفاقي